ഫോക് ഓണം ഈദ് സല്ലാപം 2015 ആഘോഷിച്ചു

ഫോക് ഓണം ഈദ് സല്ലാപം 2015 ആഘോഷിച്ചു

ഫ്രെണ്ട്സ് ഓഫ് കണ്ണൂർ കുവൈറ്റ്‌ എക്സ്പാറ്റ്സ് അസോസിയേഷൻ (ഫോക്) ഓണം ഈദ് ആഘോഷം ഒക്ടോബർ 9 ന് ഖൈത്താൻ ഇന്ത്യൻ കമ്മ്യൂണിറ്റി സ്ക്കൂളിൽ പ്രസിഡണ്ട് ജിതേഷ്.എം.പി യുടെ അദ്ധ്യക്ഷതയിൽ സ്ക്കൂൾ പ്രിൻസിപ്പാൾ ശ്രീ.ഗംഗാധർ ശ്രീഷാദ് നിർവഹിച്ചു.തുടർന്ന് ഫോക് അംഗങ്ങൾ അവതരിപ്പി ച്ച വിവിധ കലാപരിപാടികളും,പത്താം വർഷത്തിൽ ആയിരത്തി അഞ്ഞൂറിൽപരം ആളുകൾക്ക് രുചികരമായ സൗജന്യ ഓണസദ്യ നൽകിയതും ആഘോഷത്തിന്റെ പ്രത്യേകതയായിരുന്നു. ചടങ്ങിൽ കണ്ണൂർ നിവാസിയും, ഇന്ത്യൻ ഡോക്ട്ടേർസ് ഫോറം ഭാരവാഹിയും ആയിരുന്ന ഡോ.മുരളി ഗോപാലിന് യാത്രായയപ്പ് നല്‍കി. ഐ.ഡി.എഫ് ചെയർമാൻ ഡോ.നമ്പൂതിരി ഫോക്കിന്റെ ഉപഹാരം സമ്മാനിച്ചു. ജനറൽ സെക്രട്ടറി ബിജു ആൻറണി സ്വാഗതവും ഓണം ഈദ്‌ ആഘോഷത്തിൻറെ അതിഥിയായിരുന്ന ആലപുഴ എം.പി ശ്രീ.കെ.സി.വേണുഗോപാൽ, സാമൂഹ്യ പ്രവത്തകൻ സത്താർ കുന്നിൽ,വനിതവേദി ചെയർപേഴ്സണ്‍ ബിന്ദു രാജീവ് എന്നിവർ ആശംസ പ്രസംഗവും,പ്രോഗ്രാം കണ്‍വീനർ കെ.ഓമനകുട്ടൻ നന്ദിയും പറഞ്ഞു .

ഫോക് മെമ്പർമാർക്ക് സൗജന്യ രോഗ നിര്‍ണയ ക്യാമ്പും മെഡിക്കല്‍ പരിശോധനയും ഫര് വാനിയ മെട്രോ മെഡിക്കൽ ക്ലിനിക്കിൽ സംഘടിപ്പിപ്പിക്കുന്നു

ഫ്രണ്ട്സ് ഓഫ് കണ്ണൂർ ( ഫോക് )  മെട്രോ മെഡിക്കൽ കെയർ ഫര് വാനിയയും സംയുക്തമായി ഫോക് മെമ്പർമാർക്ക്  സൗജന്യ രോഗ നിര്‍ണയ ക്യാമ്പും മെഡിക്കല്‍ പരിശോധനയും ഫര് വാനിയ മെട്രോ മെഡിക്കൽ   ക്ലിനിക്കിൽ സംഘടിപ്പിപ്പിക്കുന്നു   2015 ഡിസംബർ 23 നോ 24 നോ , പൊതു അവുധി അറിയിപ്പ് വരും പ്രകാരം നടത്തുന്നതായിരിക്കും , ആദ്യം രെജിസ്റ്റെർ  ചെയ്യുന്ന 250 മെമ്പർമാർര്ക്കായിരിക്കും മുന്ഗണന , രെജിസ്ട്രേഷൻ ഫോം വിശദ വിവരങ്ങൾ  യൂനിറ്റ് ഭാരവാഹികളിൽ നിന്ന് ലഭിക്കുന്നതായിരിക്കും . www.friendsofkannur.com  എന്നാ വെബ്‌സൈറ്റിൽ നിന്നും ഫോറം ഡൌണ്‍ലോഡ് ചെയ്യാം .

കണ്ണൂർ മഹോത്സവം 2016 ഫെബ്രുവരി 5ന് രാവിലെ പത്ത് മണി മുതൽ അബ്ബാസ്സിയ സെൻട്രൽ സ്ക്കൂളിൽ

കണ്ണൂർ നിവാസികളുടെ കുവൈറ്റിലെ കൂട്ടായ്മയായ ഫ്രണ്ട്സ് ഓഫ് കണ്ണൂർ ( ഫോക് ) പത്താം വര്ഷത്തിലേക്ക് കടക്കുകയാണ് . പത്താം വാർഷികാഘോഷമായ കണ്ണൂർ മഹോത്സവം 2016 ഫെബ്രുവരി അഞ്ചിന് രാവിലെ പത്ത് മണി മുതൽ അബ്ബാസ്സിയ സെൻട്രൽ സ്ക്കൂളിൽ വെച്ച് വിപുലമായ ആഘോഷ പരിപാടികളോടെ നടക്കുന്നതാണ്. പ്രശസ്ത പിന്നണി ഗായകരുടെ ഗാനസന്ധ്യയും, കണ്ണൂര് ജില്ലയുടെ സാംസ്‌കാരിക പൈതൃകവും പാരമ്പര്യവും വിളിച്ചോതുന്ന സാംസ്കാരിക ഘോഷയാത്രയും, വിവിധ കലാ മത്സരങളും, വ്യത്യസ്തമായ സ്റ്റാളുകളും,    മഹോത്സവത്തിൻറെ മാറ്റ് കൂട്ടും.
കലാ,കായിക,  സാമൂഹ്യ,സാംസ്കാരിക രംഗത്ത് സമഗ്ര സംഭാവന നല്കിയ മഹത് വ്യക്തിതങൾക്ക് നൽകി വരുന്ന ഗോള്ഡൻ ഫോക് അവാർഡ് ദാനവും, ഫോക് അംഗങ്ങളുടെ കുട്ടികളിൽ  2015 അദ്ധ്യന വർഷത്തെ പത്തും, പന്ത്രണ്ടും ക്ലാസ്സിൽ ഏറ്റവും കൂടുതൽ മാർക്ക് ലഭിച്ച നാട്ടിലെയും , കുവൈറ്റിലെയും കുട്ടികൾക്കുളള അവാര്ഡ് ദാനവും പ്രസ്തുത ചടങ്ങിൽ നൽകുന്നതാണ്. എല്ലാവരെയും സ്നേഹ പൂർവ്വം സ്വാഗതം ചെയ്യുന്നു.