ഫോക് ഭാരവാഹികൾ ഇന്ത്യൻ അംബാസിഡറുമായി കൂടികാഴ്ച നടത്തി

ഫോക് ഭാരവാഹികൾ ഇന്ത്യൻ അംബാസിഡറുമായി കൂടികാഴ്ച നടത്തി ഫ്രണ്ട്സ് ഓഫ് കണ്ണൂർ കുവൈത്ത് എക്സ്പാട്ട്രിയെറ്റ്സ് അസോസ്സിയേഷൻ ഭാരവാഹികൾ ഇന്ത്യൻ അംബാസിഡർ ശ്രീ .സതീഷ്‌ സി മേത്തയുമായി കൂടികാഴ്ച നടത്തി .അനധികൃത തമസകാർക്കും നിയമ ലംഘകർക്കുമെതിരെ ഒരു മാസകാലമായി കുവൈത്ത് നിയമപാലകർ നടത്തിവരുന്ന പരിശോധന ഇന്ത്യകാർക്ക് വളരെ പ്രയസകരമായരീതിയിലായത്തിൽ ആശങ്കയുടെന്നു ഭാരവാഹികൾ അറിയിച്ചു .കഴിഞ എട്ടു വർഷകാലമായി ഫോക്ക് നാട്ടിലും കുവൈത്തിലുമായി നടത്തിവരുന്ന ചാരിറ്റി പ്രവർത്തനങളെകുറിച്ചും ആഗസ്തിൽ കണ്ണൂരിൽ തുടങ്ങുന്ന ഡയാലിസിസ് സെൻററിനെകുറിച്ചും അംബാസിഡറിൻറെ ശ്രദ്ധയിൽപെടുത്തി. പ്രസിഡണ്ട് കെ .ഓമനകുട്ടൻ , ജനറൽ സെക്രട്ടറി കെ.കെ.ശൈമേഷ്, ട്രഷറർ.കെ.വി വിജയേഷ്, വൈസ്പ്രസിഡണ്ട് ടി.കെ .രാഘവൻ , സെക്രട്ടറി അനൂപ് , ആർട്സ് സെക്രട്ടറി രാജേഷ്‌ .പി , ചാരിറ്റി സെക്രട്ടറി പ്രകാശൻ .പി എന്നിവർ പങ്കെടുത്തു.

FOKE രക്തദാനം നടത്തി

ഭാരത്തിന്റെ അറുപത്തിഏഴാം സ്വാതന്ത്രദിനാഘോഷത്തോടനുബന്ധിച്ച് സാമൂഹിക സേവനത്തിന്റെ മഹനീയ സന്ദേശവുമായി കണ്ണൂര് നിവാസികളുടെ കുവൈറ്റിലെ കൂട്ടായ്മ , ഫ്രണ്ട്സ് ഓഫ് കണ്ണൂർ കുവൈറ്റ് എക്സ്പാറ്റ്സ് അസോസിയേഷൻ (ഫോക്ക്) കുവൈറ്റ്‌ രക്തബാങ്കിൽ രക്തദാനം നടത്തി . ആഗസ്ത് 16നു കുവൈറ്റ്‌ ബ്ലഡ്ബാങ്കി‍ല്‍ നടത്തിയ ക്യാമ്പില്‍ നൂറില്‍പരം അംഗങ്ങള് രക്തദാനം നടത്തി. ഈ സാമൂഹ്യ പ്രവര്ത്തനത്തില്‍ ഇന്തോ കുവൈത്ത് കമ്യുനിട്ടി (മിനിസ്ട്രി ഓഫ് സോഷ്യല്എഫെര്സ്) ചെയര്മാന് അബ്ദുല്അസിസ് അല്ദുയെയിജ് സര്ട്ടിഫിക്കറ്റുകള് വിതരന്നം ചെയ്യ്തു. ഫോക്ക് രക്ഷാധികാരി ജീ.വി.മൊഹനന് പ്രസിഡണ്ട് കെ.ഓമനകുട്ടന്, ജനറല് സെക്രട്ടറി ശൈമേഷ്.കെ.കെ, ട്രഷറര് കെ.വി. വിജേഷ്, എന്നിവര് നേതൃത്തം നല്കി .
കൂടുതൽ ചിത്രങ്ങൾ http://abbasiyatoday.com/news/friends-of-kannur-blood-donatio.html http://abbasiyatoday.com/news/friends-of-kannur-blood-donatio.html

ഫോക്ക് ബാലവേദീ രൂപീകരണവും അക്ഷരക്കൂട്ടത്തിന്റെ ഉൽഘാടനവും

ഫോക്ക് ബാലവേദീ രൂപീകരണവും അക്ഷരക്കൂട്ടത്തിന്റെ ഉൽഘാടനവും

ഫ്രണ്ട്സ്  ഓഫ് കണ്ണൂർ കുവൈറ്റ് എക്സ്പാറ്റ്സ് അസോസിയേഷൻ  (ഫോക്ക്) കുട്ടികളുടെ കൂട്ടായ്മയായ ബാലവേദിയുടെ രൂപീകരണവും മാതൃഭാഷാ പഠനത്തിനായി രൂപീകരിക്കപ്പെട്ട അക്ഷരക്കൂട്ടത്തിന്റെ ഉൽഘാടനവും ഏപ്രിൽ 12നു വെള്ളിയാഴ്ച ഫഹാഹീലിലുള്ള ഫോക്ക് ഹാളിൽ വെച്ച് നടത്തപ്പെട്ടു.

ഫോക്ക് ജനറൽ സെക്രട്ടറി ശ്രീ ശൈമേഷ്.കെ.കെ.സ്വാഗതമാശംസികുകയും വൈസ് പ്രസിഡണ്ട് ശ്രീ ടി.കെ. രാഘവൻ അദ്ധ്യക്ഷത വഹിക്കുകയും ചെയ്ത പ്രസ്തുത ചടങ്ങിൽ  “ബാലവേദി  കൺ വീനറായി ശ്യംജിത് മനോജ്‌  ജോ. കൺ വീനറായി  ചേതൻ   ജിതേഷ് , സെക്രട്ടരിയായി ഗീതിക വിദ്യാധരൻ, ജോ. സെക്രട്ടരി അബിക് രാജീവ് എന്നിവരെ ഭാരവാഹികളായി തിരഞ്ഞെടുത്തു.

“അക്ഷരക്കൂട്ട”ത്തിന്റെ ഉൽഘാടനം കുവൈറ്റിലെ പ്രമുഖ സാഹിത്യപ്രവർത്തകനും പ്രസിദ്ധവാഗ്മിയുമായ ശ്രീ ബാബുജി ബത്തേരി നിർവഹിച്ചു.

നമുക്ക് നഷ്ടമാകുന്ന മലയാളത്തനിമയും സംസ്ക്കാരങ്ങളും ആചാരാനുഷ്ഠാനങ്ങളും അതുപോലെ നമ്മുടെ നാടിന്റെ പഴമയുടെ  പുണ്യവുമായ പല കളികളും കുട്ടികൾക്ക് പകർന്നു കൊടുക്കേണ്ടതിന്റെ ആവശ്യകതയും അദ്ദേഹം തന്റെ സ്വതസിദ്ധമായ നർമ്മത്തിൽ പൊതിഞ്ഞുള്ള ഭാഷണത്തിലൂടെ സദസ്സിനെ ഓർമ്മപ്പെടുത്തുകയും ചെയ്തു..ആരാലോ നിർമ്മിതമായ വീഡിയോ ഗെയ്മുകളിൽ മുഴുകി സ്വത്വം നശിക്കുന്നവരാക്കരുതെന്നും കുട്ടികളെ കായികമായ കളികൾ കളിക്കാൻ അനുവദിക്കണമെന്നും, കുട്ടികളെ നേർവഴിക്ക് നയിക്കേണ്ടത് പ്രസംഗത്തിലൂടെയല്ലെന്നും അവരിലൊരാളായി അവരോടൊപ്പം നിന്ന്  കളിക്കുകയാണ് വേണ്ടതെന്നും പറഞ്ഞ അദ്ദേഹം കുട്ടികളുടെ മനം കവരുന്ന പ്രകടനം നടത്തുകയും ചെയ്തു.

മാതൃഭാഷാ പഠനത്തിനായി ചിട്ടപ്പെടുത്തിയ വീഡിയോ ക്ലിപ്പിംഗിന്റെ പ്രദർശനം ശ്രീ രാജീവ് നിർവഹിച്ചു.

കുട്ടികൾക്ക് മലയാളാക്ഷരങ്ങൾ പകർന്നു നൽകുവാൻ നിയോഗിക്കപ്പെട്ട നിഷ ടീച്ചർ കുട്ടികളുമായി സംവാദം നടത്തി അതിനെ തുടർന്ന് കുട്ടികൾക്കുള്ള ചോദ്യോത്തരങ്ങളും സമ്മാനവിതരണവും ഉണ്ടായി.

മലയാള ഭാഷാ പഠനത്തിനായി കുവൈറ്റിലെ പല ഭാഗങ്ങളിൽ നിന്നുമുള്ള കുട്ടികൾ ആവേശപൂർവ്വം പേരു രജിസ്റ്റർ ചെയ്തു. ക്ലാസ്സുകളിൽ എല്ലാ ജില്ലകളിൽ നിന്നുമുള്ള കുട്ടികൾക്ക് പങ്കെടുക്കാവുന്നതാണെന്നും വെള്ളിയാഴ്ച തോറും ഉച്ചയ്ക്ക് 1:30 ന് ഉണ്ടാകുന്നതാണെന്നും വൈവിദ്ധ്യമുള്ള പലതരം കളികളും കഥകളും കവിതകളും വിജ്ഞാനങ്ങളും ഉൾക്കൊള്ളിച്ചുള്ളതാണെന്നും സംഘാടകസമിതി അറിയിച്ചു.

ഫോക്ക് രക്ഷാധികാരി ശ്രീ ഐ. വി ദിനേഷ്, മുന് പ്രസിഡണ്ട്   ശ്രീ ബി പി സുരേന്ദ്രൻ, ട്രഷറർ കെ  വി വിജേഷ് , വനിതാവേദി ജന. കണ്വീനർ വിദ്യ സുമോദ്  എന്നിവർ ആശംസകൾ അർപിച്ചു സംസാരിച്ചു

ഫ്രണ്ട്സ് ഓഫ് കണ്ണൂര്‍ കുവൈറ്റ്‌ കുടുംബസംഗമം സംഘടിപ്പിച്ചു.

ഫ്രണ്ട്സ് ഓഫ് കണ്ണൂര്‍ കുവൈറ്റ്‌ കുടുംബസംഗമം  സംഘടിപ്പിച്ചു.